TRIBUNAL CONSTITUCIONALMI TRUJILLOPI DESCENTRALIZADO AUDIENCIATA RUWACHINQA

Trujillo llaqtapim audienciata qispichimunqaku Tribunal Constitucionalpa Pleno huñunakuqninkuna kay jueves 17 punchaw hinaspapas viernes 18 punchaw noviembre killa, chaypim hanay llaqtakunapa 60 constitucional mañakuyninkunata qatipanqaku.

Chay hinallataqmi magistradokuna hatun yachaywasinkunapi qispichinqaku “Diálogo de Cortes” sutichasqa hatun rimanakuyta, hinaspapas riqsichimunqaku «Poder de la Justicia» sutichasqa maytuta. Perú suyupi magistradokunapa yachayninta astawan kallpanchanapaq, kay maytutam qilqarqun magistrado Helder Domínguez Haro, Centro de Estudios Constitucionales yachay wasipi director.

Jueves 17 punchaw noviembre killam audiencia qallarinqa, La Libertad Corte Superor Justicia wasipa auditorionpi, qapaq wasim kachkan América Oeste ñanpi, Mz. P, sublote 7 (sede Natacha), chaypim Pleno huñunakunqa 30 Constitucional mañakuykunata qatipanankupaq.

Kikin justicia wasipi utaq internetnintakama rimarinankupaqmi tumpaq hinallataq amachaq abogadokuna  mañakunanku, correo electroniconta saqispanku utaq celularninkupa yupayninta, mesa de partes virtualnintakama utaq ventanilla jurisdiccionalnintakama página web likapi. Rimanakuytam tupachinkuman kay celularpa yupaynintakama 990170500 yupaykunapi.