TRIBUNAL CONSTITUIONALPA UMALLIQNINTAM ITALIA EMBAJADA UNANCHARQUN

Tribunal Constitucional (TC) umalliq Augusto Ferrero Costa hatun Riqsikuyta chaskirun “Estrella de Italia” Italiapa Quyllurnin sutiwanmi riqsisqa kachkan Gran Oficial hina, kay riqsikuytam chaskirqun Giancarlo María Curcio Italia embajadorpa makinmanta.

Tribunal Constitucional umalliqmanmi hatun Riqsikuyta chayaykachinku Jurídico ruwayninkunapi ñawparisqanmanta hinaspapas Italia ayllumanta qispumusqanrayku.

Ferrero Costa kay riqsikuymanta añaychaykun hinaspa yuyariykun Perú, Italia suyu masinwan tinkunasqa kasqanmanta.

Kay huñunakuymi karun “República” raymipi. Sapa 2 punchawniyuq junio killam yuyarinku 1946 watapi Italia llaqtayuqkunata qayachisqanta musuq gobierno kananpaq, República hinallataq Monarquía kananta akllananpaq.

Kay huñunakuypim tinkuykanakurqaku Congreso wasipa umalliqnin María del Carmen Alva; Poder Judicialpa umalliqnin Dra. Elvia Barrios, Nuncio Papal monseñor Nicola Girasoli, ministrokuna, congresistakuna, embajadorkuna, militarkuna, hukkunapas.