VACANCIA PRESIDENCIAL MAÑAKUYMANTA MANA PURIRICHINANKUPAQMI TANTIARAMUNKU

Tribunal Constitucional (TC) Pleno ukupim tantiaramunku vacancia presidencial nisqata manaña puririchinankupaq, incapacidad moral nisqamantam amachakuyta EjecuTivo mañarukurqa Congreso wasipa contranpi.

Rimanakuymi qallarirun 9 pacha achikyayta, Marianella Ledesma Narváez Tribunal Constitucional umalliqpa rimariyninwan, paymi riqsirachin “incapacidad moral permanente” nisqamanta, rimarisqanma hinaqa Congresom kayta puririrachinman karqa Constitucionta usuchispa, magistradam mañakurqa “incapacidad moral permanente” rayku vacancia kananpaqqa 104 votokunata aypanankupaq, manaña 87 votollamanñachu, hinaspapas kay tantiaykuna ama qipanchachinanpaq hamuq watapi eleccionta.

Rimanakuy tukurquptinmi, Augusto Ferrero Costa, Manuel Miranda Canales, Ernesto Blume Fortini hinallataq José Luis Sardón de Taboada magistradokuna kaynata hamutarurqaku: Tribunal Constitucionalmi Competencial mañakuymantaqa mana rimariyta atinmanchu, Martín Vizcarra vacasqa kananpaq manaña kaptinsi, rimariytapas atinkumanñachu.

Carlos Ramos Núñez hinallataq Eloy Espinosa-Saldaña Barrera magistradokunañataqmi sayaparukunku Ledesma magistradapa rimarisqanman, kimsanku hamutasqankuman hinaqa, Congreso wasipis Competencia llamkaynin kasqantaqa mana allintachu puririrachinku, “incapacidad moral permanente”  nisqataqamantaqa allichachinankum karqa , hamuq watakunapi política sasachakuykunapi llaqta kaqllamanta ama sayarichkananpaq.