WARMA ÑUÑUQKUNATA TRIBUNAL CONSTITUCIONAL AMACHAN

Huk Amparo mañakuytam, Tribunal Constitucional arí nirun, warma ñuñuqta amachanapaq. 01272-2017- PA/TC yupaychasqa expediente nisqapim,    huk jueza Amparuta mañarukurqa Tambopata distritupi, chayqa kachkan Madre de Dios suyupim; llamkayninpim tuta tutakama llamkachirqaku, chayna kaptinmi tawa killallawanraq wawanta ñuñuyta atirqachu.

Dubérlis Nina Cáceres Ramos magistradam denunciata churarurqa, Marino Cusimayta Barreto  Madre de Dios Corte Superior Justicia presidentenpa kuntranpi, chaynallataq Margarita Meléndrez Paulo, Tambopata Justicia Wasipa administraduranpa kuntranpi.

Jueza willakusqanman hinaqa, tawa killallawanraq kaq wawanta ñuñunanpaq licencia nisqawan kachkaptinpas, paytaqa llamkaykachisqaku qanchis achikyay pachamanta chawpi tutakama, semana tukuy punchawkunapipas; chaynataña llamkananpaqmi Tambopata Justicia wasipa administradoran kamaykachisqa, Corte Superior Justicia wasipa umalliqninpa uyakuyninwan.

Amparo mañakuymantam, Tribunal Constitucional wasipi magistradukuna nirqamunku: ñuñuq warmikunataqa samachinapunim chayqa Configuración Legal  sutiwan riqsisqa derecho, huk riqsisqa derechukunawanpas tinkunasqam, kikin Constitución qillqapipas chaynatam ñawinchakun, aswanraqmi yanapanaqa llamkaq warmikunata chaynallataq warmankunatapas usuchchikanachu.