WARMIKUNAPA PUNCHANINTA YUYARISPANKUM, KALLPANCHASQA WARMIKUNA TRIBUNAL CONSTITUCIONAL WASIMAN CHAYAYKUSPANKU HATUN RIMANAKUYTA FIRMAYKUNKU.

Tiqsimuyuntinpi warmikunapa punchawninman ichpaykunallapiñam, Tribunal Constitucional ñawparirqachin hatun rimanakuyta, privado hinallataq estadupaq llamkapakuq aswanraq riqsisqa warmikunawan. “Warmikunapa Rimariynin, estadupa llamkanankunapi ñawpariq warmikuna”, sutiyuq hatun huñunakuytam qallarirqun Marianella Ledesma, Tribunal Constitucionalpa presidentan.

Kay hatun rimanakuypim karqaku: Zoraida Ávalos, fiscalkuna humalliq; María Antonieta Alva, Economía – Finanzas Ministra; Gloria Montenegro, warmikuna amachaq Ministra; Janet Tello, juezkuna umalliq; María Isabel León, CONFIEP wasipa presidentan; María Jara, urbano llaqtakunapi carrupa ñanninkuna qatipachiq presidenta (ATU); Carmela Sifuentes, Perú Suyupi llakapakuqkuna,  Confederación General sutiwan huñunakuqkunapa umalliqnin; Cayetana Aljovín, Sociedad Nacional, Pesquería wasipa presidenta; chaynallataq Cecilia Valenzuela, Perú21 diarupa diricturan, hinaspapas Indira Huilca, ñawpa pachapi Conngresista.

Sapakama rimariq warmikunam riqsiykachimunku sasachakuyninkunata, kunan pacha kasqankuman chayanankupaq, Perú suyupi wakin kallpanchasqa warmikuna hina.

Warmikunapa rimariyninmanmi chayaykullankutaq Augusto Ferrero Tribunal Constitucionalpa vicepresidenten, chaymantapas Manuel Miranda hinallataq Ernesto Blume magistradukuna.

Rimanakuykuna tukurquptinmi, actata firmaykunku chaynapi llamkayninkuta kallpanchanankupaq Perú suyupi amaña pitapas usuchichkanapaq, warmikunapas astawanraq kamachiqkuna hinaña llamkapakunankupaq, qarikunawan kusqa niraqllata chaninchachikuspanku.

Tukuykunapaqñataqmi tusuykunku Machitas sutiwan riqsisqa warmikuna. Kay tusuykunataqa ñawpa pachakunapiqa qarikunallam tusurqaku.